Baena hefur komið að 59 mörkum í 135 leikjum með Villarreal. Hann á 8 A-landsleiki að baki fyrir Spán.
Sádi-arabíska félagið Al-Ahli hefur mikinn áhuga á að kaupa Álex Baena frá Villarreal.
Félagið er sagt vera reiðubúið til að borga upp riftunarákvæðið í samningi Baena sem nemur 60 milljónum evra.
Villarreal vonast til að halda í þennan lykilmann sinn en Baena er 23 ára gamall og með þrjú og hálft ár eftir af samningi.
Baena er vinstri kantmaður að upplagi en getur einnig spilað á hægri kanti eða sem sóknartengiliður.
Baena fær því sjálfur að ráða sinni framtíð, hvort hann verði áfram hjá Villarreal eða samþykki launahækkun til að spila í Sádi-Arabíu.
Hjá Al-Ahli myndi Baena spila með leikmönnum á borð við Ivan Toney, Gabri Veiga, Roberto Firmino og Riyad Mahrez.
Athugasemdir
