Það er nóg um að vera í Evrópudeildinni í kvöld þar sem 18 leikir hefjast á sama tíma. Um er að ræða lokaumferðina í deildarkeppni mótsins og því ríkir gífurlega mikil spenna og eftirvænting fyrir leiki kvöldsins. Hér fyrir neðan má sjá helstu byrjunarlið kvöldsins.
Manchester United heimsækir FC Steaua Bucharest og eru lærlingar Rúben Amorim í góðri stöðu fyrir lokaumferðina. Amorim teflir fram sterku byrjunarliði í kvöld, þar sem Tyrell Malacia, Toby Collyer og Kobbie Mainoo fá tækifæri með byrjunarliðinu ásamt Christian Eriksen og Altay Bayindir.
Tottenham er einnig í flottri stöðu og tekur á móti Elfsborg í kvöld. Ange Postecoglou mætir þó til leiks með sterkt byrjunarlið þar sem Dejan Kulusevski, Yves Bissouma og Radu Dragusin fá smá hvíld. Hinn efnilegi Mikey Moore fær tækifæri í byrjunarliðinu. Eggert Aron Guðmundsson er á bekknum hjá Elfsborg.
Meiddur Elías Rafn Ólafsson er þá fjarverandi úr liði Midtjylland sem tekur á móti lærisveinum José Mourinho í liði Fenerbahc, rétt eins og Daníel Tristian Guðjohnsen sem er ekki í hóp hjá Malmö gegn Slavia Prag vegna meiðsla.
Orri Steinn Óskarsson fær tækifæri í byrjunarliði Real Sociedad á heimavelli gegn PAOK og er í sterku byrjunarliði ásamt Martín Zubimendi, Sergio Gómez, Álvaro Odriozola og Sheraldo Becker.
Kristian Nökkvi Hlynsson er þá á varamannabekknum hjá Ajax sem tekur á móti Galatasaray og þá mæta AS Roma og Eintracht Frankfurt til leiks með sterk byrjunarlið.
Bræðurnir Nico og Inaki Williams eru að lokum í byrjunarliði Athletic Bilbao sem tekur á móti Viktoria Plzen.
Man Utd: Bayindir, Mazraoui, De Ligt, Martinez, Dalot, Collyer, Mainoo, Malacia, Eriksen, Fernandes, Hojlund
Tottenham: Austin, Porro, Van de Ven, Davies, Gray, Bergvall, Bentancur, Sarr, Moore, Richarlison, Son
Real Sociedad: Marrero, Odriozola, Elustondo, Aguerd, Gomez, Barrenetxea, Zubimendi, Mendez, Marin, Becker, Óskarsson
Roma: Svilar, Mancini, Hummels, Ndicka, Saelemaekers, Kone, Paredes, Pellegrini, Angelino, Dybala, Dovbyk
Frankfurt: Trapp, Tuta, Koch, Theate, Kristensen, Skhiri, Larsson, Knauff, Bahoya, Chaibi, Ekitike
Ajax: Pasveer, Gaaei, Sutalo, Baas, Hato, Fitz-jim, Henderson, Taylor, Traore, Godts, Brobbey
Galatasaray: Muslera, Sara, Bardakci, Sanchez, Ayhan, Torreira, Kutlu, Akgun, Mertens, Yilmaz, Osimhen
Athletic: Agirrezabala, De Marcos, Vivian, Alvarez, Berchiche, Jauregizar, Prados, I. Williams, Berenguer, N. Williams, Guruzeta
Athugasemdir
