Fabian Hürzeler þjálfari Brighton segir að ekkert hefur enn verið ákveðið varðandi Evan Ferguson sem er ofarlega á óskalista ýmissa úrvalsdeildarfélaga í janúar.
Hann segir að Brighton vilji halda leikmanninum en ýjar að því að félagið sé reiðubúið til að lána hann út til félags sem getur lofað honum góðum spiltíma.
Ferguson er 20 ára framherji sem hefur verið að glíma við meiðsli á tímabilinu.
„Hann æfði í fyrsta sinn í gær og er á góðum stað líkamlega, við erum mjög ánægðir að hann sé kominn aftur í hópinn," sagði Hürzeler. „Ef allt fer vel á næstu æfingum þá er hann liðtækur fyrir leikinn gegn Nottingham Forest.
„Hann æfði vel og fór í gegnum alla æfinguna án þess að finna fyrir verkjum sem er það mikilvægasta. Hann veit hvað mér finnst um sig og hvað félaginu finnst. Hann getur orðið gríðarlega mikilvægur leikmaður fyrir okkur og við viljum ekki missa hann.
„Það mikilvægasta fyrir hann er að spila fótbolta og það skiptir ekki máli hvort það sé hér eða annars staðar. Hann þarf að fá sjálfstraustið sitt til baka og komast í gott leikform. Við munum setjast niður og ræða málin á næstu dögum til að taka ákvörðun fyrir næstu mánuði."
Athugasemdir
