Wolverhampton Wanderers er í viðræðum við úkraínska félagið Dynamo Kiev um miðjumanninn Volodymyr Brazhko en þetta segir Sky Sports.
Brazhko er 23 ára gamall og spilar sem varnarsinnaður miðjumaður.
Hann spilaði sinn fyrsta A-landsleik með Úkraínu í mars á síðasta ári og hefur síðan þá spilað níu leiki.
Úlfarnir eru í beinum viðræðum við Dynamo Kiev um kaup á leikmanninum en ekkert samkomulag hefur náðst.
Það ríkir mikil óvissa um framtíð Mario Lemina, sem hefur verið orðaður við félög í Sádi-Arabíu, en þó ekkert ráðið í þeim efnum á þessum tímapunkti.
Wolves er einnig í viðræðum við franska félagið Lens um austurríska miðvörðinn Kevin Danso, en Rennes er einnig að fylgjast með stöðu hans.
Franski leikmaðurinn Axel Disasi er þá leikmaður sem Wolves hefur verið að skoða í stöðuna á en mun þurfa að etja kappi við Aston Villa um undirskrift hans.
Athugasemdir
