Orri Steinn Óskarsson fékk tækifæri með byrjunarliði Real Sociedad í mikilvægum slag gegn PAOK í lokaumferð í deildarkeppni Evrópudeildarinnar í kvöld.
Staðan er 1-0 fyrir Sociedad eftir nokkuð jafnan fyrri hálfleik, þar sem Orri Steinn skoraði eina markið.
Orri reis hæst í markteignum eftir fyrirgjöf frá Sheraldo Becker og skallaði boltann í netið af stuttu færi.
Þetta er gríðarlega mikilvægt mark fyrir Orra þar sem hann hafði ekki skorað fyrir liðið síðan 7. nóvember.
Sociedad tryggir sér sæti í 24-liða úrslitum Evrópudeildarinnar með sigri í kvöld og því er mikilvægt að Orri og félagar haldi forystunni til leiksloka.
Sjáðu markið
Athugasemdir
