Fjörið hefst í hádeginu á laugardag þegar spútnik lið Nottingham Forest tekur á móti Brighton í spennandi slag, áður en topplið Liverpool heimsækir Bournemouth á mjög erfiðum útivelli.

Newcastle á þá heimaleik við Fulham á sama tíma á meðan Everton mætir nýliðum Leicester CIty og Ipswich Town spilar við Southampton í nýliðaslag.

Wolves og Aston Villa eigast við í lokaleik laugardagsins.

Sunnudagurinn fer af stað með skemmtilegum viðureignum þegar Brentford fær Tottenham í heimsókn og Manchester United tekur á móti Crystal Palace, en stórleikur helgarinnar fylgir þar á eftir.

Englandsmeistarar Manchester City taka þar á móti toppbaráttuliði Arsenal í hörkuslag sem margir bjuggust við að yrði alvöru titilslagur á þessum tímapunkti tímabilsins, en svo er ekki. Bæði lið þurfa á sigri að halda í toppbaráttunni þar sem Liverpool er að stinga af. Það eru sex stig sem skilja Arsenal og Man City að sem stendur, þar sem Arsenal er í öðru sæti og City í fjórða.

Chelsea tekur að lokum á móti West Ham United í mánudagsleiknum.

Laugardagur
12:30 Nott. Forest - Brighton
15:00 Bournemouth - Liverpool
15:00 Everton - Leicester
15:00 Ipswich Town - Southampton
15:00 Newcastle - Fulham
17:30 Wolves - Aston Villa

Sunnudagur
14:00 Brentford - Tottenham
14:00 Man Utd - Crystal Palace
16:30 Arsenal - Man City

Mánudagur
20:00 Chelsea - West Ham