Jhon Duran er við það að ganga í raðir Al Nassr í Sádi-Arabíu. Félagið er að kaupa hann frá enska félaginu Aston Villa.
Læknisskoðun á Englandi er lokið og næst á dagskrá hjá þessum 21 árs gamla kólumbíska framherja er flug til Sádi-Arabíu.
Læknisskoðun á Englandi er lokið og næst á dagskrá hjá þessum 21 árs gamla kólumbíska framherja er flug til Sádi-Arabíu.
Al Nassr greiðir rúmlega 64 milljónir punda fyrir Duran sem kom til Aston Villa frá Chicago Fire árið 2023. Villa er sagt hafa greitt alls um 17 milljónir punda fyrir Duran fyrir tveimur árum síðan.
Duran hefur skorað 12 mörk í 55 úrvalsdeildarleikjum og alls 20 mörk í 78 leikjum í öllum keppnum fyrir Aston Villa. Hann hefur aðallega verið í því hlutverki að koma inn á fyrir Ollie Watkins í leikjum.
Hingað til hafa félögin í Sádi-Arabíu verið að horfa í stór nöfn í fótboltaheiminum en nú er stefnan sett á að krækja í unga og upprennandi leikmenn sem hægt er að gera enn betri. Deildin vill ekki vera þekkt fyrir að vera deild þar sem eldri leikmenn koma og sækja stóran tékka í lok ferilsins.
Athugasemdir
