Verður Albert fremsti maður?
Brynjar Ingi Bjarnason.
Jóhann Berg er lykilmaður.
Íslenska landsliðið leikur á morgun mikilvægan leik gegn Rúmeníu í undankeppni HM á Laugardalsvelli.
Það hefur sjaldan verið erfiðara að stilla upp í líklegt byrjunarlið. Ísland vann Rúmeníu 2-1 í umspilinu fyrir EM síðastliðinn október og frá þeim leik eru sex byrjunarliðsmenn horfnir; Ragnar Sigurðsson, Hörður Björgvin Magnússon, Arnór Ingvi Traustason, Aron Einar Gunnarsson, Gylfi Þór Sigurðsson og Alfreð Finnbogason.
Það hefur sjaldan verið erfiðara að stilla upp í líklegt byrjunarlið. Ísland vann Rúmeníu 2-1 í umspilinu fyrir EM síðastliðinn október og frá þeim leik eru sex byrjunarliðsmenn horfnir; Ragnar Sigurðsson, Hörður Björgvin Magnússon, Arnór Ingvi Traustason, Aron Einar Gunnarsson, Gylfi Þór Sigurðsson og Alfreð Finnbogason.
Svona spáir Fótbolti.net því að byrjunarliðið verði á morgun.
Kári Árnason er tæpur og Fótbolti.net spáir því að Brynjar Ingi Bjarnason og Hjörtur Hermannsson verði saman í hjarta varnarinnar. Þeir stóðu sig vel saman í sumarverkefninu og væri gaman að sjá þá fá tækifæri saman í keppnisleik.
Andri Fannar Baldursson, ungur leikmaður FC Kaupmannahafnar, kemur mögulega inn á miðsvæðið og verður þar með reynslumeiri mönnum.
Jóhann Berg Guðmundsson er algjör lykilmaður í þessu liði; hann kemur til með að byrja hægra megin.
Það er stórt spurningamerki hver byrjar á vinstri kantinum og í fremstu víglínu. Okkar gisk er að Jón Dagur Þorsteinsson fái kallið vinstra megin og Albert Guðmundsson sem fremsti maður. Albert er þekktari fyrir að spila í öðrum stöðum en landsliðsþjálfarinn tók það fram á blaðamannafundi að Albert gæti leyst allar stöður fremst á vellinum.
Leikurinn annað kvöld hefst 18:45. Svona er staðan í riðlinum fyrir leikinn:
1. Armenía 9 stig
2. Norður-Makedónía 6 stig
3. Þýskaland 6 stig
4. Rúmenía 3 stig
5. Ísland 3 stig
6. Liechtenstein 0 stig
Athugasemdir
