Fótboltadeild Fylkis tilkynnti rétt í þessu að hún hefði gert samkomulag um starfslok við Olgeir Sigurgeirsson.
Olgeir hefur verið aðstoðarþjálfari meistaraflokks karla og þjálfari í afreksstarfi félagsins. Hann var aðstoðarmaður Rúnars Páls Sigmundssonar.
Olgeir hefur verið aðstoðarþjálfari meistaraflokks karla og þjálfari í afreksstarfi félagsins. Hann var aðstoðarmaður Rúnars Páls Sigmundssonar.
Olgeir er 41 árs og lék á sínum ferli með ÍBV, Breiðabliki, Völsungi og Augnabliki. Hann var ráðinn aðstoðarþjálfari Fylkis fyrir tímabilið 2022. Áður hafði hann starfað sem aðstoðarþjálfari Breiðabliks og aðalþjálfari Augnabliks.
„Við þökkum Olgeiri fyrir gott samstarf síðustu ár. Leit að eftirmanni er þegar hafin," segir í tillynningu Fylkis. Fylkir er í botnsæti Bestu deildarinnar.
Athugasemdir
