Landsliðsþjálfarinn Arnar Þór Viðarsson hefur valið hóp sem tekur þátt í Eystrasaltsbikarnum núna seinna í nóvember. Á mótinu leika fjórar þjóðir og eru þær Eistlandi, Lettland, Litháen og Ísland. Ísland mætir Litháen í undanúrslitum 16. nóvember. Liðið mætir svo Eistlandi eða Lettlandi 19. nóvember.

Þetta er seinna nóvember verkefni landsliðins, en liðið er nú statt í Suður Kóreu þar sem það mætir heimamönnum í vináttuleik á föstudag.

Einn leikmaður sem er í hópnum núna verður einnig með í Eystrasaltsbikarnum. Það er fyrirliðinn Aron Einar Gunnarsson.

Það vekur athygli að Sverrir Ingi Ingason og Jóhann Berg Guðmundsson eru mættir aftur í hópinn eftir langa fjarveru. Jóhann lék síðast með liðinu í september fyrir rúmu ári síðan og Sverrir var síðast í hópnum í mars fyrir einu og hálfu ári síðan.

Þrjár breytingar eru á hópnum frá þeim hópi sem var valinn fyrir leikina gegn Venesúela og Albaníu í september. Valgeir Lunndal kemur inn fyrir Guðlaug Victor Pálsson, Jóhann Berg kemur inn fyrir Alfreð Finnbogason sem er frá vegna meiðsla og Sverrir Ingi kemur inn fyrir Hjört Hermannsson. Þá er Alfons Sampsted í hópnum en hann þurfti að draga sig úr hópnum áður en síðasta verkefni hófst. Albert Guðmundsson er annað verkefnið í röð ekki valinn í hópinn.