Fjórða umferðin í tyrkneska bikarnum hófst í kvöld en tvö íslendingalið voru í eldlínunni.
Birkir Bjarnason lék allann leikinn fyrir Adana Demirspor sem vann Nazillispor sem spilar í þriðju efstu deild. Leikurinn endaði með 4-3 sigri Adana en Britt Assombalonga skoraði öll mörk Adana.
Rúnar Alex Rúnarsson var hvíldur þegar lið hans, Alanyaspor tók á móti Sakaryaspor en hann heufr verið fastamaður í deildinni. Alanyaspor vann 3-0.
Atli Barkarson lék allan leikinn fyrir Sonderjyske sem vann Nykoping 2-1 eftir framlengdan leik í Danmörku. Nyköping er á botninum í næst efstu deild á meðan Sonderjyske er í 5. sæti.
Jón Dagur Þorsteinsson var í byrjunarliðinu hjá Leuvern sem valtaði yfir Francs Borains í belgíska bikarnum. Hann var tekinn af velli í hálfleik þegar staðan var 2-0.
Þá spilaði Kolbeinn Finnsson 85 mínútur í 2-0 tapi varaliðs Dortmund gegn Viktoria Koln í þriðju efstu deild í Þýskalandi. Liðið er í 13. sæti með 18 stig eftir 16 leiki.
