Telma kom til KR frá Danmörku um mitt tímabil - eftir að hafa leikið með KH og yngri flokkum Vals síðustu ár - og skrifaði undir samning sem átti að gilda út næsta tímabil. Telma lék sem miðvörður og vinstri bakvörður hjá KR.

Hún á að baki alls fimm leiki með U16 og U17 landsliðum Íslands. Telma mun í næstu viku fara til æfinga hjá norska félaginu Lilleström (LSK) sem endaði í sjöunda sæti norsku deildarinnar á tímabilinu.

Annar leikmaður sem lék með KR í sumar verður einnig með í för þegar Telma fer til Noregs. Það er Lilja Lív Margrétardóttir sem lék á láni frá Gróttu seinni hluta tímabilsins.