KR verður án síns fyrrum fyrirliða, Ingunnar Haraldsdóttur, í Bestu deildinni í sumar. Ingunn hélt til Grikklands snemma í ágúst í fyrra og lék með gríska liðinu PAOK í vetur.
Sjá einnig:
„Hlakka til að láta loksins draum 10 ára Ingunnar rætast"
Sjá einnig:
„Hlakka til að láta loksins draum 10 ára Ingunnar rætast"
Ingunn meiddist illa snemma á þessu ári og fór í aðgerð í febrúar þar sem hún var með slitna hásin.
Fótbolti.net ræddi við Ingunni og hún staðfesti að hún yrði frá í 6-8 mánuði. Hún tók við fyrirliðabandinu hjá KR fyrir tímabilið 2020, var áfram fyrirliði liðsins í fyrra þegar liðið vann Lengjudeildina og tryggði sér sæti í Bestu deildinni.
Í samtali við Fótbolta.net segir Ingunn að tímabilið í Grikklandi klárist ekki fyrr en eftir að félagaskiptaglugginn á Íslandi lokast. Því hefði hún ekki getað spilað með KR fyrr en eftir að sumarglugginn opnaðist en það hafði verið planið áður en hún meiddist.
Sjá einnig:
Það borgar sig að fjárfesta í knattspyrnukonum
Athugasemdir
