banner
   lau 12. nóvember 2022 22:12
Brynjar Ingi Erluson
Ítalía: Þórir Jóhann fékk ekki að spreyta sig í sigri Lecce - Öruggt hjá Bologna
Marko Arnautovic skoraði annað mark Bologna
Marko Arnautovic skoraði annað mark Bologna
Mynd: Getty Images
Þórir Jóhann fær ekkert að spila
Þórir Jóhann fær ekkert að spila
Mynd: Fótbolti.net - Hafliði Breiðfjörð
Íslenski landsliðsmaðurinn Þórir Jóhann Helgason er áfram í kuldanum hjá Lecce en liðið vann 2-0 sigur á Sampdoria í Seríu A í dag.

Þórir Jóhann var á bekknum hjá Lecce í dag og fékk ekki mínútu en hann hefur ekki komið við sögu í síðustu fimm leikjum liðsins.

Þá hefur hann aðeins spilað rúmar tuttugu mínútur í síðustu níu leikjum. Lecce vann góðan 2-0 sigur á Sampdoria í dag og ekki hjálpaði það honum að fá mínútur.

Lorenzo Colombo skoraði undir lok fyrri hálfleiks og þá gerði Lameck Banda annað markið sjö mínútum fyrir leikslok. Lecce er í 15. sæti með 15 stig og hefur þá unnið síðustu tvo leiki. Sampdoria er í 19. sæti með 6 stig.

Bologna vann öruggan 3-0 sigur á Sassuolo. Michel Aebischer gerði eina mark fyrri hálfleiksins. John Lucumi átti fyrirgjöf frá vinstri inn í teiginn og náði Aebischer að stýra boltanum í fjærhornið.

Marko Arnautovic bætti við öðru á 50. mínútu. Leikmenn Bologna hreinsuðu boltann fram og var það Arnautovic sem skallaði hann niður á Roberto Soriano áður en hann undirbjó hlaupið. Soriano lagði hann inn fyrir á austurríska framherjann, sem tók eina snertingu framhjá markverðinum og lagði boltann í netið.

Skoski miðjumaðurinn Lewis Ferguson skoraði svo þriðja og síðasta markið tólf mínútum fyrir leikslok með stórglæsilegu skoti við vítateigslínuna og í hægra hornið.

Bologna er í 11. sæti með 19 stig en Sassuolo í 14. sæti með 16 stig.

Úrslit og markaskorarar:

Bologna 3 - 0 Sassuolo
1-0 Michel Aebischer ('30 )
2-0 Marko Arnautovic ('50 )
3-0 Lewis Ferguson ('78 )

Sampdoria 0 - 2 Lecce
0-1 Lorenzo Colombo ('45 )
0-2 Lameck Banda ('83 )
Stöðutaflan Ítalía Serie A - karlar
  L U J T ms: mf: mun Stig
1 Inter 29 24 4 1 71 14 +57 76
2 Milan 29 19 5 5 55 33 +22 62
3 Juventus 29 17 8 4 44 23 +21 59
4 Bologna 29 15 9 5 42 25 +17 54
5 Roma 29 15 6 8 55 35 +20 51
6 Atalanta 28 14 5 9 51 32 +19 47
7 Napoli 29 12 9 8 44 33 +11 45
8 Fiorentina 28 12 7 9 41 32 +9 43
9 Lazio 29 13 4 12 36 33 +3 43
10 Monza 29 11 9 9 32 36 -4 42
11 Torino 29 10 11 8 28 26 +2 41
12 Genoa 29 8 10 11 31 36 -5 34
13 Lecce 29 6 10 13 26 45 -19 28
14 Udinese 29 4 15 10 28 44 -16 27
15 Verona 29 6 8 15 26 39 -13 26
16 Cagliari 29 6 8 15 29 50 -21 26
17 Empoli 29 6 7 16 22 43 -21 25
18 Frosinone 29 6 6 17 37 60 -23 24
19 Sassuolo 29 6 5 18 33 56 -23 23
20 Salernitana 29 2 8 19 23 59 -36 14
Athugasemdir
banner
banner
banner
banner