James Maddison, leikmaður Leicester City, þurfti að fara meiddur af velli í fyrri hálfleiknum gegn West Ham en leikurinn er í gangi sem stendur.
Maddison hefur verið að spila frábærlega upp á síðkastið en hann kom Leicester yfir snemma leiks með góðu skoti í þaknetið.
Núna eftir rúmlega tuttugu mínútna leik þurfti kappinn hins vegar að haltra af velli en ekki er vitað nákvæmlega hvað kom fyrir. Það virtist svo sem hann hafi meiðst aftan í læri.
Maddison var valinn í enska landsliðið sem fer á HM í Katar en núna er það ljóst að mótið gæti verið í hættu hjá leikmanninum.
Athugasemdir
