Viðar Ari Jónsson mun í sumar finna sér nýtt félag eftir að hafa spilað með ungverska félaginu Honved í eitt og hálft tímabil.
Viðar gekk í raðir Honved í vetrarglugganum í fyrra en verður seint hægt að segja að hann hafi náð að fylgja eftir frábæru tímabili með Sandefjord þar á undan.
Viðar gekk í raðir Honved í vetrarglugganum í fyrra en verður seint hægt að segja að hann hafi náð að fylgja eftir frábæru tímabili með Sandefjord þar á undan.
Viðar byrjaði þrjá leiki af þrettán á fyrsta hálfa ári sínu og var ónotaður varamaðru sex sinnum. Hann byrjaði svo sex leiki af 33 á nýliðinni leiktíð og var ellefu sinnum ónotaður varamaður. Samkvæmt Transfermarkt skoraði hann eitt mark og lagði upp tvö í 32 leikjum fyrir félagið.
Samningur hans rennur út í lok mánaðar og var félagið með möguleika til að virkja framlengingu á samningnum. Samkvæmt heimildum Fótbolta.net getur félagið ekki lengur virkjað það ákvæði.
Tímabilið var svo sannarlega vonbrigðatímabil hjá Honved sem féll úr ungversku deildinni. Liðið endaði í 9. sæti í fyrra með fimm stigum meira. Tólf lið eru í deildinni og er leikin þreföld umferð.
Samkvæmt heimildum Fótbolta.net er áhugi á Viðari á Norðurlöndunum. Viðar er 29 ára gamall vængmaður sem á að baki sjö leiki fyrir landsliðið.
Athugasemdir
