Brighton vann frábæran sigur á Man Utd í dag. Staðan var 1-1 í hálfleik en mörk frá Kaoru Mitoma og Georginio Rutter í seinni hálfleik tryggðu liðinu sigurinn.
„Við sýndum mjög góða frammistöðu. Við réðum lögum og lofum í seinni hálfleik og fengum góð færi," sagði Fabian Hurzeler stjóri Brighton.
Brighton vann báða leikina gegn Man Utd á tímabilinu en liðið vann 2-1 í 2. umferð þar sem Joao Pedro skoraði dramatískt sigurmark í uppbótatíma.
„Við erum mjög ánægðir og stoltir en við fáum bara þrjú stig út úr þessum leikjum svo við þurfum að halda áfram að berjast. Það er sérstakt að vinna á Old Trafford gegn liði með mikla hefð, þar að leiðandi erum við ánægðir en við höldum áfram að leggja hart að okkur daglega," sagði Hurzeler.
Athugasemdir
