Dele Alli gekk til liðs við Como á frjálsri sölu í gær en hann hefur ekki spilað fótbolta í tæp tvö ár vegna meiðslavandræða og andlegra vandamála.
Hann lék aðeins 13 leiki fyrir Everton frá 2021 þar til hann var lánaður til Besiktas í janúar 2023. Hann spilaði 15 leiki í Tyrklandi.
Cesc Fabregas, stjóri Como, er sannfærður um að Alli, sem var talinn einn efniilegasti leikmaður Englands á sínum tíma, nái fram sínu besta í búningi Como.
„Félagið hefur trú á Dele og ætlar sér að hjálpa honum að ná því besta út úr honum. Reynslan hans og leiðtogahæfileikar munu án efa hjálpa liðinu," sagði Fabregas.
Athugasemdir
