Enska fótboltasambandið hefur ákært Jurgen Klopp, stjóra Liverpool, fyrir framkomu hans um helgina.
Klopp fékk rauða spjaldið í 1-0 sigrinum á Manchester City í ensku úrvalsdeildinni á sunnudag.
Klopp missti sig á 85. mínútu eftir að Anthony Taylor og aðstoðardómarar hans dæmdu ekki brot á Bernardo Silva sem reif Mohamed Salah niður á vængnum.
Klopp hefur fram á föstudag til að svara ákærunni og verður hann því líklega á hliðarlínunni gegn West Ham á morgun.
Sá þýski á von á sekt og leikbanni fyrir hegðun sína á hliðarlínunni gegn City.
Klopp talaði um það á fréttamannafundi í dag að hann hefði ekki átt að bregðast eins illa við og hann gerði.
Athugasemdir
