Gunnar Heiðar Þorvaldsson þjálfari Njarðvíkur

Mynd: Fótbolti.net - Eyjólfur Garðarsson

„Gríðarlega svekktur með mína menn í dag. Ótrúlega lélegt og ekki bara við, þetta var bara leikur sem að var með ótrúlega lítil gæði." Sagði Gunnar Heiðar Þorvaldsson þjálfari Njarðvíkur eftir leikinn í kvöld.

„Það var ekkert spil, það var ekkert sem var ákvörðunartaka með bolta, skot, hlaup án bolta, með bolta, sendingar og hraðinn á sendingum og bara nefndu það. Þú getur 'basicly' hakað í öll boxin. Þetta var ótrúlega lélegt og við áttum ekkert skilið að fá neitt úr þessum leik og ekki Grindavík heldur. Þeir drógu bara langa stráið í lokin og bara til hamingju með það." 

Gunnar Heiðar var mjög ósáttur með sína menn í kvöld og sagði að eins og staðan væri núna væri ekki hægt að kalla þá neitt topplið.

„Að tala um okkur sem eitthvað topplið eða hvað það er, við getum bara gleymt því. Við getum ekki haldið það að við séum orðnir einhverjir f***ing kóngar hérna þegar við erum búnir að vera að gera vel og svo sýnum við svona leiki og ekki bara núna heldur síðasta leik líka. Við vorum bara ekki með." 

„Það er augljóslega eitthvað að og það getur vel verið að þeir séu orðnir þreyttir. Við verum með rosalega þunnan hóp, ég veit það og við erum að reyna hjálpa þeim eins mikið og hægt er. Þetta er bara leikur þar sem þeir sem eru sterkari í hausnum vinna og þessi leikur var bara þarna galopinn fyrir bæði lið að vinna og það voru hvorugt liðið sem vildi það einhvernveginn en svo draga þeir þetta langa strá í lokin og fá þrjú stig með sér frá okkar heimavelli sem er gjörsamlega galið." 

Nánar er rætt við Gunnar Heiðar Þorvaldsson þjálfara Njarðvíkinga í spilaranum hér fyrir ofan.