Albert Guðmundsson var í byrjunarliði Genoa og lék fyrsta klukkutímann í 2-1 tapi á útivelli gegn Reggina í Serie B í kvöld.
Heimamenn í Reggina fengu tvær vítaspyrnur sitthvoru megin við leikhléð og klúðraði Jeremy Menez úr fyrri spyrnunni en Hernani skoraði svo úr spyrnunni eftir leikhlé.
Liðin mættust í toppbaráttu Serie B og eru núna jöfn með 22 stig eftir 12 umferðir, fimm stigum eftir toppliði Frosinone sem er með fimm sigra í röð.
Reggina 2 - 1 Genoa
Í efstu deild í Danmörku var Elías Rafn Ólafsson varamarkvörður FC Midtjylland í markalausu jafntefli gegn toppliði Nordsjælland.
Jafnteflið var frekar dapurt þar sem aðeins þrjár marktilraunir af fimmtán rötuðu á markrammann.
Nordsjælland er með þriggja stiga forystu á toppinum á meðan Midtjylland er um miðja deild með 22 stig eftir 16 umferðir.
Midtjylland 0 - 0 Nordsjælland