mán 07. nóvember 2022 19:40
Ívan Guðjón Baldursson
Árni Salvar æfir með Vendsyssel
Mynd: Fótbolti.net - Jónína Guðjörg Guðbjartsdóttir

Hinn efnilegi Árni Salvar Heimisson, sem spilaði þrettán leiki með ÍA í efstu deild í sumar, er farinn til Vendsyssel á reynslu.


Vendsyssel leikur í næstefstu deild í Danmörku og stefnir á að koma sér upp í efstu deild.

Árni Salvar er 19 ára gamall og nýlega búinn að skrifa undir þriggja ára samning við ÍA. Hann mun æfa með Vendsyssel á næstunni og félagið mun svo sjá til hvort gert verði kauptilboð.

Jón Dagur Þorsteinsson og Mikael Anderson eru dæmi um íslenska leikmenn sem hafa verið á mála hjá Vendsyssel.

„Árni mun æfa með liðinu fram í næstu viku. Við óskum Árna alls hins besta í þessu verkefni," segir meðal annars í færslu frá ÍA.


Athugasemdir
banner
banner
banner