Arsenal hefur verið í miklu stuði á fyrri hluta enska úrvalsdeildartímabilsins og trónir á toppinum með tveggja stiga forystu á Englandsmeistara Manchester City eftir 13 umferðir.
Arsenal er meðal annars búið að leggja Tottenham, Liverpool og Chelsea að velli á deildartímabilinu en eina tapið kom gegn Manchester United. Lærisveinar Mikel Arteta gerðu þá óvænt jafntefli við Southampton og eru þetta einu stigin sem liðið hefur misst af það sem af er tímabils.
Man City hefur unnið ensku úrvalsdeildina fjórum sinnum á síðustu fimm árum og var Arteta spurður hvort Arsenal gæti unnið titilinn.
„Við erum búnir að bæta okkur mikið sem lið frá því á síðustu leiktíð. Við erum að ná mjög góðum úrslitum núna en þetta er mjög langt tímabil," sagði Arteta.
„Ef þið horfið til baka á síðustu sex ár hefur Manchester City verið við toppinn með besta stjóra í heimi og besta lið í heimi. Þeir hafa sannað þetta trekk í trekk og við verðum að bera mikla virðingu fyrir því. Það er ekki auðvelt að gera vel yfir langan tíma og við verðum að trúa að þetta geti gengið svona vel hjá okkur út tímabilið."
Arsenal endaði 24 stigum eftir Man City á síðustu leiktíð, í fimmta sæti deildarinnar.
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Liverpool | 29 | 21 | 7 | 1 | 69 | 27 | +42 | 70 |
| 2 | Arsenal | 28 | 15 | 10 | 3 | 52 | 24 | +28 | 55 |
| 3 | Nott. Forest | 28 | 15 | 6 | 7 | 45 | 33 | +12 | 51 |
| 4 | Chelsea | 28 | 14 | 7 | 7 | 53 | 36 | +17 | 49 |
| 5 | Man City | 28 | 14 | 5 | 9 | 53 | 38 | +15 | 47 |
| 6 | Brighton | 28 | 12 | 10 | 6 | 46 | 40 | +6 | 46 |
| 7 | Aston Villa | 29 | 12 | 9 | 8 | 41 | 45 | -4 | 45 |
| 8 | Bournemouth | 28 | 12 | 8 | 8 | 47 | 34 | +13 | 44 |
| 9 | Newcastle | 27 | 13 | 5 | 9 | 46 | 38 | +8 | 44 |
| 10 | Fulham | 28 | 11 | 9 | 8 | 41 | 38 | +3 | 42 |
| 11 | Crystal Palace | 28 | 10 | 9 | 9 | 36 | 33 | +3 | 39 |
| 12 | Brentford | 28 | 11 | 5 | 12 | 48 | 44 | +4 | 38 |
| 13 | Tottenham | 28 | 10 | 4 | 14 | 55 | 41 | +14 | 34 |
| 14 | Man Utd | 28 | 9 | 7 | 12 | 34 | 40 | -6 | 34 |
| 15 | Everton | 28 | 7 | 12 | 9 | 31 | 35 | -4 | 33 |
| 16 | West Ham | 27 | 9 | 6 | 12 | 32 | 47 | -15 | 33 |
| 17 | Wolves | 28 | 6 | 5 | 17 | 38 | 57 | -19 | 23 |
| 18 | Ipswich Town | 28 | 3 | 8 | 17 | 26 | 58 | -32 | 17 |
| 19 | Leicester | 28 | 4 | 5 | 19 | 25 | 62 | -37 | 17 |
| 20 | Southampton | 28 | 2 | 3 | 23 | 20 | 68 | -48 | 9 |
