Kaj Leo er án félags eftir að hann yfirgaf ÍA.
Kaj Leo í Bartalsstovu hefur verið kallaður upp í færeyska landsliðið eftir langa fjarveru. Hann spilaði síðast fyrir Færeyjar fyrir tveimur árum og var ónotaður varamaður í einhverjum leikjum liðsins í fyrra.
Kaj Leo er samningslaus eftir að hafa leikið með ÍA í sumar og tekur hann sæti Jóannes Bjartalíð í hópnum sem er með brotna stórutá.
Kaj Leo gæti því komið við sögu í æfingaleikjum gegn Tékklandi og Kósovó seinna í nóvember þegar stærri þjóðir verða uppteknar á HM í Katar.
„Það er alltaf sérstakt að spila fyrir landsliðið og ég er ánægður með kallið. Vonandi fæ ég nokkrar mínútur á vellinum," sagði Kaj Leo í stuttu viðtali við færeyska knattspyrnusambandið.
Færeyjar spila við Tékkland 16. nóvember og Kósovó 19. nóvember.
Athugasemdir
