KFA, knattspyrnufélag Austfjarða, er búið að semja við Martein Má Sverrisson til tveggja ára.
Þetta eru mikil gleðitíðindi fyrir Austfirðinga enda er Marteinn Már lykilmaður í liðinu. Hann átti stóran þátt í að bjarga KFA frá falli úr 2. deild í sumar og var valinn besti leikmaður elleftu umferðar deildartímabilsins.
Marteinn Már er 23 ára gamall og hefur alla sína tíð spilað fótbolta á Austfjörðum. Hann var fyrst hjá Leikni Fáskrúðsfirði sem sameinaðist svo í KFA.
Marteinn skoraði sex mörk í 21 deildarleik í sumar eftir að hafa gert sex mörk í 20 deildarleikjum með Leikni í fyrra.
Athugasemdir