Pep Lijnders aðstoðarstjóri Liverpool segir að eigendur félagsins, Fenway Sports Group, séu alltaf með hagsmuni félagsins að leiðarljósi. Greint var frá því í gær að félagið væri til sölu.
FSG keypti félagið á 300 milljónir punda árið 2010 en hefur nú sett fjögurra milljarða punda verðmiða á það.
FSG keypti félagið á 300 milljónir punda árið 2010 en hefur nú sett fjögurra milljarða punda verðmiða á það.
„Allir sem þekkja félagið vita að við eigum sterkt samband við eigendurna. Ég veit að eigendurnir hafa alltaf verið með hag félagsins í forgangi og verða það áfram. Yfirlýsingin frá þeim var mjög skýr," segir Lijnders.
„Þeir hafa bundið niður okkar bestu menn og það er mikill stöðugleiki í akademíunni. Það hefur verið fjárfest í henni og æfingasvæðið er eitt það besta í heimsfótboltanum. Svo hefur leikvangurinn verið stækkaður."
Lijnders er aðstoðarmaður Klopp og sat fyrir svörum á fréttamannafundi í stað hans í dag.
„Ef þeir væru ekki góðir eigendur þá myndum við ekki sitja hérna. Við höfum unnið marga titla."
Sjá einnig:
Tilbúnir að hlusta á tilboð í Liverpool
Athugasemdir