Svava Rós Guðmundsdóttir gekk í raðir franska félagsins Bordeaux snemma á þessu ári frá sænska félaginu Kristianstad.
Svava er 25 ára sóknarmaður sem uppalin er hjá Fram og Val. Hún lék einnig með Breiðabliki á Íslandi áður en hún hélt í atvinnumennsku sem hófst í Noregi 2018. Svava á að baki 24 A-landsleiki.
Svava er 25 ára sóknarmaður sem uppalin er hjá Fram og Val. Hún lék einnig með Breiðabliki á Íslandi áður en hún hélt í atvinnumennsku sem hófst í Noregi 2018. Svava á að baki 24 A-landsleiki.
Hún var á hækjum gegn Svíum á Laugardalsvelli í september og lék ekkert fyrr en í lokaumferð sænsku deildarinnar.
Hún skrifaði svo undir hjá Bordeaux 4. janúar og spilaði fyrsta leikinn með félaginu í 7-1 sigri á Reims þann 23. sama mánaðar. Hún kom inn á eftir um klukkutíma leik en meiddist undir lok uppbótartíma og hefur verið frá síðan.
Fótbolti.net hafði samband við Svövu í dag og spurði út í stöðuna á henni og hennar meiðslum.
„Staðan á mér er sú að ég fæ aftur rifu á kálfann í lok janúar, á 94. mínútu í fyrsta leik mínum fyrir Bordeaux," sagði Svava.
„Ég er búin að vera í endurhæfingu síðan, það er búið að ganga erfiðlega og taka lengri tíma en áætlað var. Þetta lítur samt aðeins betur út núna og vonandi get ég farið að æfa aftur með liðinu bráðlega."
Getur Svava hlaupið, hvernig er staðan á því?
„Já, ég get hlaupið og er búin að vera að hlaupa núna í þrjár vikur en hef í kjölfarið svo stífnað mikið upp í kalfanum eftir á. Það er búið að vera skárra í þessari viku þannig vonandi allt að koma," sagði Svava.
Athugasemdir
