Jose Mourinho stjóri AS Roma, fékk rautt spjald í dag þegar lið hans gerði 1-1 jafntefli gegn Torino á heimavelli.
Mourinho var langt því frá að vera sáttur við dómarann í dag en hann var með lítin tök á leiknum.
Andrea Belotti klúðraði vítaspyrnu í uppbótartímanum sem Paulo Dybala fiskaði en stuttu síðar náði Nemanja Matic að bjarga stigi fyrir heimamenn.
Mourinho fékk rautt spjald á lokamínútu leiksins en hann baðst afsökunar eftir leik.
„Ég átti rauða spjaldið skilið fyrir það sem ég sagði við dómarann í hita leiksins," sagði Portúgalinn.
„Ég talaði við hann eftir leikinn og baðst afsökunar. Ég vil ekki ræða um frammistöðuna hans í dag, ég læt þig um það," sagði Mourinho við blaðamanninn.
Það var allt annað að sjá Roma eftir að Dybala kom inn á en liðið hefur saknað hans sárt.
„Eftir 70 mínútna leik vildu sumir stuðingsmenn fara. Á síðustu tuttugu mínútunum sköpuðum við fleiri færi heldur en við höfum skapað samanlagt í síðustu 4-5 leikjum. Svarið er einfalt: Paulo Dybala."
