Brasilíski sóknarmaðurinn Anderson Talisca er að ganga í raðir Fenerbahce í Tyrklandi en þetta segir Fabrizio Romano á X.
Talisca er þrítugur sóknarmaður sem kom til Al Nassr frá kínverska félaginu Guangzhou fyrir þremur árum.
Leikmaðurinn hefur skorað 8 mörk á tímabilinu í Sádi-Arabíu en hann er sagður óánægður í herbúðum félagsins.
Samkvæmt Romano hefur Talisca verið í viðræðum við Fenerbahce í Tyrklandi og er búist við því að gengið verði frá öllum helstu smáatriðum á næstu dögum.
Talisca þekkir ágætlega til í Tyrklandi en hann lék með Besiktas á láni frá Benfica frá 2016 til 2018.
Hann var einn af bestu leikmönnum tyrknesku deildarinnar þar sem hann skoraði 37 mörk í 80 leikjum.
Athugasemdir
