Heimild: RÚV 

Úrslitaleikurinn einkenndist af mikilli baráttu og auðvitað hita sem fylgir yfirleitt þegar titill er undir.

Undir lok fyrri hálfleiks átti sér stað sena sem var fremur undarleg í alla staði.

Upp úr sauð milli leikmanna og ákvað þjálfari Ísbjarnarins að skerast inn í leikinn. Alexander Aron Davorsson setti hausinn í átt að þjálfaranum sem lét sig detta og fær heiðarlega tilnefningu í Fallon d'Floor verðlauna þetta árið.

„Hann kastar sér bara niður og ætlar að reyna að fiska eitthvað, sem hann nær í smástund. Sem betur fer eru dómararnir þrír og örugglega mjög góðir dómarar. Þeir snúa þessu bara við, sáu að sér og að þetta væri bara bull og leikaraskapur en menn reyna allt,“ sagði Alexander Aron í viðtali við RÚV eftir leik.

Ísbjörninn vann leikinn 8-3 og mun því keppa fyrir hönd Íslands í forkeppni Meistaradeildar Evrópu.