Heimild: Tipsbladet
Íslenski landsliðsmaðurinn Stefán Teitur Þórðarson er á leið til Preston North End, frá Silkeborg í Danmörku. Preston leikur í Championship deildinni á Englandi.
Greint var frá því í gær að hann væri á leið til QPR en danskir fjölmiðlar fullyrða í dag að hann endi hjá Preston. Derby var einnig með í baráttunni.
Stefán Teitur, sem er 25 ára gamall, ólst upp hjá ÍA en var keyptur til Silkeborg árið 2020. Hann hefur spilað 20 A-landsleiki og skorað 1 mark.
Preston borgar um 700 þúsund evrur fyrir þennan 25 ára gamla miðjumann.
Hann á aðeins sex mánuði eftir af samningi sínum hjá Silkeborg svo þetta er síðasta tækifæri danska liðsins að selja hann.
Athugasemdir
