Maður leiksins.
Hér má sjá einkunnir íslenska landsliðsins eftir 1-2 tap gegn Tékklandi í vináttulandsleik í Doha.
Ísland leikur gegn Katar næsta þriðjudag sinn annan vináttulandsleik í þessu landsleikjahléi.
Ísland leikur gegn Katar næsta þriðjudag sinn annan vináttulandsleik í þessu landsleikjahléi.
Rúnar Alex Rúnarsson 5
Markvörðurinn ungi lét vel í sér heyra í markinu og átti ágæta vörslu í fyrri hálfleiknum. Er svekktur yfir því að ná ekki að verja seinna mark Tékka eftir að hafa verið í boltanum.
Hjörtur Hermannsson 6
Lék í miðverði í seinni hálfleik eftir að hafa byrjað í bakverði. Átti ágætis leik.
Sverrir Ingi Ingason 6
Gerði fá mistök.
Kári Árnason 5
Fyrirliðinn í dag. Var ólíkur sjálfum sér í fyrra marki Tékka þar sem hann átti manninn sem skoraði. Átti samt öfluga tæklingu skömmu síðar.
Hörður Björgvin Magnússon 6
Skapaði hættu eftir langt innkast í fyrri hálfleik.
Jóhann Berg Guðmundsson 7
Var skeinuhættasti leikmaður Íslands í fyrri hálfleiknum og skapaði hættuleg færi.
Ólafur Ingi Skúlason 5
Átti slæma þversendingu sem Tékkar komust inn í og skoruðu en markið var ranglega dæmt af vegna rangstöðu.
Birkir Bjarnason 6
Var þokkalega öflugur á miðjunni í fyrri hálfleik og meðal bestu leikmanna Íslands fyrir hlé
Ari Freyr Skúlason 6
Lék á kantinum í fyrri hálfleik en sem bakvörður í þeim síðari. Átti ágætis leik og komst nálægt því að skora í fyrri hálfleik.
Viðar Örn Kjartansson 5
Skaut í stöngina úr dauðafæri snemma leiks. Er ekki að ná að setja eins mikið mark á þá landsleiki sem hann spilar og hann hefði viljað.
Kjartan Henry Finnbogason 7
Harðduglegur og það var mikill léttir fyrir hann að ná að skora í seinni hálfleik eftir að hafa farið illa með dauðafæri í þeim fyrri.
Varamenn:
Rúrik Gíslason 5
Kom inn í hægri bakvörð. Tapaði skallaeinvígi í aðdraganda annars marks Tékka en var annars fínn.
Theodór Elmar Bjarnason 6
Lagði upp mark Íslands.
Rúnar Már Sigurjónsson 5
Arnór Ingvi Traustason 5
(Aðrir spiluðu of lítið til að fá einkunn)
Athugasemdir
