Magnús Már Einarsson
Afturelding fór enga gæfuför suður með sjó í kvöld þegar liðið heimsótti Keflavík á Nettóvöllinn.
Gestirnir úr Mosfellsbæ máttu sín lítils gegn beittu liði Keflavíkur og urðu lokatölur leiksins 5-1 Keflavík í vil. Þungbrýndur Magnús Már Einarsson mætti í viðtal til fréttaritara Fótbolta.net að leik loknum og svaraði því hvað fór úrskeiðis hjá hans mönnum.
Gestirnir úr Mosfellsbæ máttu sín lítils gegn beittu liði Keflavíkur og urðu lokatölur leiksins 5-1 Keflavík í vil. Þungbrýndur Magnús Már Einarsson mætti í viðtal til fréttaritara Fótbolta.net að leik loknum og svaraði því hvað fór úrskeiðis hjá hans mönnum.
Lestu um leikinn: Keflavík 5 - 1 Afturelding
„Menn bara mættu ekki til leiks þannig séð. Það var eins og hugurinn væri einhverstaðar allt annarsstaðar en á vellinum í fyrri hálfleik, vantaði alla baráttu og menn voru eitthvað smeykir. En það var allt annað að sjá liðið í seinni hálfleik fannst mér við vera betri aðilinn þar en tölurnar líta náttúrulega illa út en algjört djók að þetta fimmta mark fái að standa ég held að hann hafi verið kolrangstæður. “
Þrátt fyrir stórtap er Magnús brattur með framhaldið og segir hans menn staðráðna í að sýna sitt rétta andlit í komandi leikjum,
„Já engin spurning. Það er full af hæfileikaríkum leikmönnum í þessum hóp og undirbúningstímabilið hefur gengið vel, menn voru duglegir að æfa og eru í góðu standi svo það vantar ekkert upp á það en þetta eru auðvitað slæm úrslit í kvöld en við ætlum ekki að dvelja við það. Við sópum þessu undir teppi og höldum áfram.“
Eftir um klukkustundar leik fékk Jason Daði Svanþórsson gult spjald fyrir það sem úr blaðamannaboxinu leit út fyrir að vera dýfa. Hvað fannst Magnúsi um þá ákvörðun?
„Ég er mjög ósáttur við hana. Á nú svo sem eftir að sjá þetta atvik aftur en Jason Daði er strangheiðarlegur leikmaður sem hefur aldrei dýft sér á ævinni og hefur svolítið fengið að kenna á því í rauninni. Hann gæti verið búinn að fá miklu fleiri vítaspyrnur á ferlinum, alltaf verið að sparka í hann og dómarar virðast ekki hugsa um að vernda sóknarmanninn þar og mér finnst skorta á leikskilning dómara þar.“
Allt viðtalið má sjá hér að ofan
Athugasemdir
