Túfa skoraði bæði fyrir gestina.
Örvar skoraði eina mark heimamanna.
Stjarnan 1 - 2 Vestri
Stjarnan og Vestri léku sinn síðasta leik í dag fyrir Íslandsmót en liðin mættust í æfingaleik á Samsungvellinum í Garðabæ. Leikurinn var ekki auglýstur og má segja að leikið hafi verið fyrir luktum dyrum í dag.
Slæmt gengi Stjörnunnar fyrir mót heldur áfram en liðið tapaði leiknum í dag, 1-2 urðu lokatölur.
Það var Vladimir Tufegdzic sem skoraði bæði mörk Vestra í leiknum en hann hefur verið nokkuð iðinn við kolann á undirbúningstímablinu.
Það var Örvar Eggertsson sem skoraði mark Stjörnunnar í leiknum.
Vestri heimsækir Val í fyrstu umferð Bestu deildarinnar eftir átta daga og Stjarnan tekur á móti FH eftir níu daga.
Í spá Fótbolta.net er Vestra spáð næstneðsta sæti en það kemur ekki í ljós fyrr en í næstu viku í hvaða sæti spámenn Fótbolta.net setja Stjörnuna.
Athugasemdir
