Guðmundur fagnaði mörgum mörkum í sumar.
Sóknarmaðurinn Guðmundur Magnússon hefur rift samningi sínum við Fram. Hann staðfesti við Fótbolta.net í kvöld að hann hefði nýtt ákvæði í samningi sínum.
Guðmundur segist ætla að skoða það hvernig landið liggur og hvaða möguleikar standa honum til boða, bæði hér heima og jafnvel erlendis.
Guðmundur segist ætla að skoða það hvernig landið liggur og hvaða möguleikar standa honum til boða, bæði hér heima og jafnvel erlendis.
Guðmundur er 31 árs og átti frábært tímabil með Fram í sumar, hann skoraði 17 mörk í Bestu deildinni, jafnmörg mörk og Nökkvi Þeyr Þórisson sem hlaut gullskóinn.
Í síðasta mánuði komu fréttir um riftunarákvæði í samningi Guðmundar og sagði Agnar Þór Hilmarsson, formaður knattspyrnudeildar Fram, að það væri forgangsatriði að endursemja við hann.
Óvíst er hvort Guðmundur verði áfram í herbúðum Fram á næsta tímabili eða hvort hann breyti til á sínum ferli.
Hann var gestur í hlaðvarpsþættinum Innkastið í síðasta mánuði og má hlusta á þáttinn með því að smella hér.
Athugasemdir
