Dominic Calvert-Lewin framherji Everton hefur verið ansi óheppinn með meiðsli undanfarið en hann þurfti að fara af velli vegna meiðsla í leik Everton gegn Leicester í gær.
Frank Lampard stjóri liðsins segir að um meiðsli aftan í læri sé að ræða. Hann fari í myndatöku eftir helgi en Lampard telur þetta ekki alvarlegt.
Calvert-Lewin er í kapphlaupi við tímann um að vinna sér sæti í enska landsliðshópnum fyrir HM en það verður að teljast ansi ólíklegt eftir enn eitt áfallið.
Hann var frá í fjóra mánuði á síðustu leiktíð og missti af fyrsta mánuðinum á þessari leiktíð eftir að hafa meiðst á undirbúningstímabilinu.
Athugasemdir
