Alejandro Garnacho leikmaður Manchester United skoraði sitt fyrsta mark fyrir félagið á dögunum í 1-0 sigri á Real Sociedad í Evrópudeildinni.
Þessi 18 ára gamli Argentínumaður hefur verið í byrjunarliðinu í tveimur leikjum í Evrópudeildinni.
Bruno Fernandes greindi frá því eftir leikinn gegn Sociedad að hann hafi ekki verið með gott hugarfar á undirbúningstímabilinu og þess vegna hafi hann ekki fengið tækifærið fyrr.
Chris Wheeler blaðamaður hjá Daily Mail greinir frá því að Erik ten Hag hafi sett Garnacho í skammakrókinn í sumar eftir að hafa brotið reglur sem Ten Hag setti. Hann mætti m.a. seint á fundi.
Hann var í hópnum í leikjum á Taílandi í sumar en kom ekkert við sögu.
Félagið hefur neitað að tjá sig um málið.
Athugasemdir