Caoimhin Kelleher markvörður Liverpool var hetja liðsins í sigrinum á Derby í vítaspyrnukeppni í deildabikarnum í dag.
Liverpool vann 3-2 í vítaspyrnukeppninni en Harvey Elliott skoraði úr síðustu spyrnunni. Það var hins vegar Kelleher sem stal senunni með því að verja þrjár spyrnur frá leikmönnum Derby.
Alisson á fast sæti í byrjunarliði Liverpool í deildinni en Kelleher hefur fengið tækifæri í bikarnum.
„Ég undirbý mig á hverjum degi eins og ég sé að fara spila svo ég verð að vera tilbúinn til að spila því það getur allt gerst. Ég elska að æfa með markvarðarteyminu á hverjum degi. Frábær hópur til að vinna með svo ég nýt þess mikið," sagði Kelleher í samtali við LFCTV.
„Á sama tíma er erfitt að fá ekki leiki en því betur sem gengur í bikarnum fæ ég vonandi fleiri tækifæri," sagði Kelleher.
