Sóknarmaðurinn Tryggvi Hrafn Haraldsson fór meiddur af velli í jafntefli Víkings og Vals í æfingaleik í dag.
Tryggvi lenti í tæklingu og meiðslin eru nokkuð alvarleg.
Samkvæmt upplýsingum Fótbolta.net þá fótbrotnaði Tryggvi, en það kom fram í útvarpsþættinum í dag að það sé búist við því að hann verði frá í um tvo mánuði.
Tryggvi gekk í raðir Vals frá ÍA eftir síðasta tímabil og hann mun missa af fyrstu vikum Íslandsmótsins. Pepsi Max-deildin hefst 30. apríl og leikur Valur opnunarleikinn einmitt við ÍA. Tryggvi mun því missa af leiknum gegn sínum gömlu félögum.
Hér að neðan má nálgast upptöku af þættinum.
Athugasemdir
