Roma fékk Fiorentina í heimsókn. Bartlomiej Dragowski, markvörður Fiorentina, var rekinn af velli snemma leiks. Henrikh Mkhitaryan, leikmaður sem Mourinho lét fara frá Man Utd, kom svo Roma yfir.

Roma missti Nicolo Zaniolo af velli í seinni hálfleik með rautt spjald og Fiorentina jafnaði stuttu eftir það. Roma sýndi hins vegar mikinn karakter og kláraði leikinn. Jordan Veretout skoraði tvisvar áður en flautað var til leiksloka, og 3-1 lokatölur.

Íslendingalið Venezia tapaði þá fyrir Napoli, 2-0. Arnór Sigurðsson kom inn á sem varamaður eftir rúmlega klukkutíma leik, en Bjarki Steinn Bjarkason og Óttar Magnús Karlsson voru ónotaðir varamenn. Venezia var einum fleiri frá 23. mínútu en náði engan veginn að nýta sér liðsmuninn.

Napoli 2 - 0 Venezia
0-0 Lorenzo Insigne ('57 , Misnotað víti)
1-0 Lorenzo Insigne ('62 , víti)
2-0 Eljif Elmas ('72 )
Rautt spjald: Victor Osimhen, Napoli ('23)

Roma 3 - 1 Fiorentina
1-0 Henrikh Mkhitaryan ('26 )
1-1 Nikola Milenkovic ('60 )
2-1 Jordan Veretout ('64 )
3-1 Jordan Veretout ('79 )
Rautt spjald: Bartlomiej Dragowski, Fiorentina ('17), Nicolo Zaniolo, Roma ('52)

Íslendingaslagur í Serie B
Í B-deildinni á Ítalíu var Íslendingaslagur þegar Pisa og Spal áttust við. Hjörtur Hermannsson lék í vörn Pisa og hjá Spal kom hinn efnilegi Mikael Egill Ellertsson inn á sem varamaður eftir rúmlega klukkutíma leik. Leikurinn endaði með 1-0 sigri Pisa.

Þórir Jóhann Helgason lék með Lecce í 3-0 tapi gegn Cremonese. Hann kom inn á sem varamaður á 84. mínútu, en Brynjar Ingi Bjarnason var ónotaður varamaður hjá Lecce.