Á toppnum um jólin.
Crawley 0 - 1 Birmingham
0-1 Jay Stansfield ('79)
0-1 Jay Stansfield ('79)
Willum Þór Willumsson var á sínum stað í byrjunarliði Birmingham City sem heimsótti Crawley Town í League One, C-deild enska boltans í kvöld.
Willum spilaði fínan leik áður en honum var skipt af velli á 74. mínútu þegar staðan var enn markalaus.
Fimm mínútum eftir skiptinguna tók Birmingham forystuna og stóð að lokum uppi sem sigurvegari, 0-1.
Þetta var sjöundi sigur Birmingham í röð í öllum keppnum og trónir liðið á toppi deildarinnar með 45 stig eftir 19 umferðir, með einu stigi meira og leik til góða á Wycombe sem situr í öðru sæti.
Alfons Sampsted er einnig samningsbundinn Birmingham en hefur ekki spilað keppnisleik síðan í fyrrihluta nóvember.
Athugasemdir
