Óskar Bragason hefur verið ráðinn sem aðstoðarþjálfari Dalvíkur/Reynis þar sem hann mun aðstoða Hörð Snævar Jónsson aðalþjálfara.
Óskar lék meðal annars fyrir KA og Magna á ferli sínum sem leikmaður og tók síðar við hjá Magna sem þjálfari.
Hann býr yfir mikilvægri reynslu sem mun reynast vel á komandi tímabili, enda er Hörður Snævar að starfa sem aðalþjálfari í fyrsta sinn eftir að hafa setið í stjórn Dalvíkur/Reynis.
„Ráðningin á Óskari er síðasta púslið inn í sterkt þjálfarateymi liðsins og það er gríðarlega ánægjulegt að fá svona reynslumikinn mann í teymið til að aðstoða Hödda," segir meðal annars í tilkynningu frá Dalvík/Reyni.
„Við bjóðum Skara hjartanlega velkominn og hlökkum mikið til samstarfsins."
Dalvík/Reynir féll úr Lengjudeildinni í fyrra og leikur því í 2. deildinni í ár.
Athugasemdir
