Tæpur fyrir leikinn gegn Real Madrid
Íslenski landsliðsmaðurinn Hörður Björgvin Magnússon verður frá keppni næstu 2-3 vikurnar eftir að hafa meiðst í leik CSKA Moskvu og UFA um helgina.
Hörður verður því fjarri góðu gamni þegar CSKA Moskvu heimsækir tékkneska félagið Viktoria Plzen í Meistaradeildinni annað kvöld.
Hörður er einnig tæpur fyrir leikinn gegn Real Madrid í Meistaradeildinni eftir tvær vikur.
Hins vegar ætti hann að vera kominn á fulla ferð fyrir leiki Íslands gegn Fraklkandi og Sviss í október.
Arnór Sigurðsson er einnig á mála hjá CSKA Moskva og hann er heill heilsu fyrir leikinn á morgun.
Framherjinn Abel Hernandez er líka á meiðslalistanum eins og Hörður.
Athugasemdir
