Þorvaldur á hliðarlínunni í kvöld.
„Við erum ekkert í fegurðarsamkeppni í þessu," sagði Þorvaldur Örlygsson þjálfari HK eftir 2-1 baráttusigur liðsins á Fram í kvöld.
Lestu um leikinn: Fram 1 - 2 HK
Aron Þórður Albertsson fékk beint rautt spjald eftir að hafa komið inn á sem varamaður undir lok leiksins.
„Mér fannst það ekki vera rautt spjald. Ég var ofan í þessu og mér fannst þetta vera klaufalegt hjá Garðari."
Þorvaldur mætti sínum gömlu félögum í dag en hann þjálfaði Fram frá árinu 2008 til 2013.
„Ég er ánægður með að koma hingað á þetta nýja svæði. Menn eru með hálfgerða IKEA stúku hérna og þetta var fínt í dag."
Þetta var annar sigur HK í röð í viðbótartíma en liðið er núna í 7. sæti deildarinnar.
„Þó að okkur langi ýmislegt í þessari deild þá breytist ekkert fyrir félag eins og HK að það getur bara rétt survivað í þessari deild eins og er. Því miður."
Hér að ofan má sjá viðtalið í heild sinni.
Athugasemdir
