Fótbolti.net

Kristinn Aron: KR mikið betra en fyrir ári síðan

Óskar Hrafn: Framtíðin er sannarlega björt í Vesturbænum

Heimir: Þá missti hann bara tökin á leiknum

Már Ægis: Miklu betra að vera hérna heima

Rúnar: Helvítið hann Kristján Finnbogason þekkir allar vítaskyttur á landinu

Siggi Höskulds: Einhver mesti markaskorari sem ég hef séð í yngri flokkum

Fjórir leikmenn ÍR í páskafríi erlendis - „Með algjöru leyfi frá okkur"

Peter Jones með sitt fyrsta meistaraflokksmark: Þetta kemur ekki frá pabba

Halli Hróðmars: Mjög svekktur að hafa ekki getað spilað í Grindavík í dag

Adam Páls: Maður þarf að þroskast líka sem persóna

Alexander Rafn: Geðveikt að fá að læra af þessum leikmönnum

Eggert Gunnþór: Ríkjandi bikarmeistarar og við vissum alltaf að þetta yrði erfitt

Keppni sem okkur þykir vænt um - „Stefnum bara á Laugardalsvöll"

Jakob Gunnar skoraði gegn gömlu félögunum - „Skrítið en mjög skemmtilegt"

Hallgrímur Mar um innkomu Römer: Eins gott og það gat verið

Viktor Elmar: Er flottur leikmaður, þó ég segi sjálfur frá

Gunnar Már um fyrstu mánuðina: Þetta hefur verið brekka

Dóri Árna um Damir: Innan við eitt prósent líkur á því

Rúnar Páll: Ég ætlaði að taka mér pásu frá þjálfun

Haukur Andri: Maður ætlar sér klárlega aftur út

fim 04. apríl 2024 11:56

Sæbjörn Þór Þórbergsson Steinke

Ingibjörg: Fíla þá áskorun að stoppa heimsklassa leikmenn

Létt yfir Ingibjörgu og Hildi á þriðjudagsæfingunni.

Mynd: Fótbolti.net - Hafliði Breiðfjörð

'Skemmtilegt, ég fíla það. Ég reyni að skoða hvernig hennar leikur er og undirbúi mig eins vel og ég get fyrir það. Maður vill alltaf spila við góða leikmenn'

Mynd: Fótbolti.net - Hafliði Breiðfjörð

„Leikurinn á móti Póllandi leggst mjög vel í mig, ég er spennt fyrir þessu og ég held að við séum vel undirbúnar," sagði Ingibjörg Sigurðardóttir við Fótbolta.net í gær.

Framundan hjá kvennalandsliðinu er leikur gegn Póllandi í undankeppni EM. Um fyrsta leik undankeppninnar er að ræða og fer leikurinn fram á Kópavogsvelli á morgun. Flautað verður á 16:45.

„Við erum búnar að fara mikið yfir þeirra pressu og líka hvernig þær byggja upp spilið sitt frá markmanni. Þær eru vel spilandi lið, vilja spila stuttar sendingar frá markmanni og síðan eru þær með fljóta leikmenn fram á við sem við þurfum að passa vel upp á - þurfum að vera klárar í hraðar sóknir frá þeim. Við viljum halda vel í boltann og vera þolinmóðar."

Ewa Pajor er lykilmaður í liði Póllands, hún hefur skorað 55 mörk í 70 landsleikjum og spilar með Wolfsburg í Þýskalandi. Það þarf að stoppa hana á morgun. „Algjörlega, hún er frábær, heimsklassa leikmaður sem getur unnið leiki sjálf."

Hvernig er að fara inn í leik með þá áskorun að stoppa jafn öflugan leikmann?

„Skemmtilegt, ég fíla það. Ég reyni að skoða hvernig hennar leikur er og undirbúi mig eins vel og ég get fyrir það. Maður vill alltaf spila við góða leikmenn."

„Mér líst ágætlega á þennan riðil, ég held það séu fínir möguleikar. Allir riðlar í A-deild eru erfiðir þannig við þurfum að vera vel undirbúnar. Það var ótrúlega mikilvægt að ná að vera í A-deildinni, maður finnur alveg fyrir því, þessir leikir við Serbíu voru mjög mikilvægir og góður sigur fyrir okkur," sagði Ingibjörg.

Í seinni hluta viðtalsins ræðir hún um tímann sinn til þessa hjá Duisburg í Þýskalandi en hún samdi við félagið í janúar.