Fótbolti.net

Frétti á Instagram að hann yrði ekki áfram í Kanada - „Eins og er, þá er það ekki planið"

Sjáðu mörkin úr leik Fram og KR

Valdimar Þór: Smá einbeitingarleysi sem er stórhættulegt í þessari keppni

Glímir við sama vandamál og Guardiola - „Hvenær endar lærdómurinn?"

Ari Sigurpáls: Heiður að þeir hafi áhuga

Sjáðu mörkin úr Bose mótinu um helgina - Eiður byrjaði vel hjá KR

Axel Óskar kominn heim: Núna spilar maður með hjartanu

Jökull: Upplifði einhverja ást hér sem ég hef ekki upplifað áður

Þórður Gunnar: Leist best á Aftureldingu

Oliver með fiðring: Báðir bræður mínir spiluðu hér

„Einu leikmennirnir sem við höfum farið í viðræður við“

Segir Breiðablik vera alltof spennandi - „Virkilega margir sem skildu mig"

Arnar Pálmi: Aldrei upplifað annað eins

Sá leikjahæsti framlengdi við Völsung - „Ákvað að hætta því leikriti núna"

Alli Jói: Eins stórt og það gerist fyrir Völsung

Elfar Árni: Ekki hægt að segja nei þegar hann sagði mér að drulla mér heim

Var með nokkur tilboð en fannst FH langmest spennandi

Hoppaði í sófanum þegar lausn fannst - „Atvinnumennska að koma í Breiðablik"

Aftur upp í Bestu deildina - „Í sjálfu sér seldur eftir þann fund"

Valgeir vonar að fólk skilji sig - „Hef heyrt sögur úr Kórnum"

fim 04. apríl 2024 11:36

Sæbjörn Þór Þórbergsson Steinke

Selma Sól: Best að segja sem minnst

Á landsliðsæfingu í vikunni.

Mynd: Fótbolti.net - Hafliði Breiðfjörð

Samdi við Nurnberg í janúar.

Mynd: Nurnberg

„Þær eru með gríðarlega sterkt lið og eru búnar að taka góð skref í síðustu leikjum og með afar sterkan framherja sem er einn besti leikmaður í heimi. Það er það sem við vitum og við þurfum að spila okkar besta leik til að ná í þrjú stig," sagði Selma Sól Magnúsdóttir við Fótbolta.net í gær.

Selma og liðsfélagar hennar í landsliðinu undirbúa sig núna fyrir leik gegn Póllandi í undankeppni EM. Leikurinn fer fram á Kópavogsvelli og verður flautað til leiks klukkan 16:45 á morgun.

„Við þurfum að byggja ofan á það sem við erum búnar að gera í síðustu leikjum og taka ennþá fleiri skref fram á við. Við þurfum að halda áfram að bæta okkur í því sem við erum góðar í."

Selma er ein af fjölmörgum leikmönnum í hópnum sem eru með tengingu við Breiðablik. Hún kannast því ansi vel við sig á Kópavogsvelli. „Það er voða gott að vera á Kópavogsvelli."

Spáin fyrir leikinn er ekki sérstök en Selma segist pæla voða lítið í henni. „Maður vaknar bara og fer út, við getum lítið stjórnað því."

„Það er gaman að fá keppnisleiki og klárlega gaman að bera sig saman við þjóðir sem eru á sama kaliberi."

Selma kemur inn í leikinn í góðu standi, hún er að spila alla leiki með þýska liðinu Nürnberg. Liðið vann síðasta leik og er tveimur stigum frá öruggu sæti þegar fimm umferðir eru eftir.

„Það gengur bara fínt, búið að vera upp og niður en við tókum þrjú stig í síðasta leik sem er jákvætt. Við eigum séns á því að halda okkur uppi, það eru fimm leikir eftir og við gerum allt sem við getum til að halda okkur uppi. Það er klárlega möguleiki."

Veltur þín framtíð á því hvort liðið heldur sér uppi?

„Já og nei," sagði Selma. „Held það sé best að segja sem minnst akkúrat núna," sagði hún svo þegar hún var spurð hvort það væri eitthvað sérstakt sem hún myndi vilja gera næst á ferlinum.