Ísland þurfti að sætta sig við tap gegn Sádí-Arabíu í vináttuleiknum umdeilda í dag.
Það hefur verið talsvert gagnrýnt að KSÍ hafi samþykkt að spila vináttuleik við Sáda í ljósi mikilla mannréttindabrota í landinu.
En leikurinn fór fram og voru það Sádar sem fóru með sigur af hólmi. Saud Abdulhamid skoraði eina mark leiksins á 25. mínútu en markið var vægast sagt klaufalegt af hálfu Íslendinga.
Fyrri hálfleikurinn var slakur hjá íslenska liðinu, en seinni hálfleikurinn var klárlega skárri. Óttar Magnús Karlsson fékk án efa besta færi Ísland í leiknum þegar hann skóflaði boltanum yfir í markteignum.
Á einum tímapunkti voru sex leikmenn úr Íslandsmeistaraliði Breiðabliks saman inn á vellinum.
Lokatölur 1-0 en Ísland mætir næst Suður-Kóreu á föstudag.
Athugasemdir