Við undirskriftina í dag.
Sigurður Egill Lárusson hefur skrifað undir nýjan þriggja ára samning við Val
Vængmaðurinn var samningslaus eftir tímabilið en hann hefur nú ákveðið að vera áfram á Hlíðarenda.
Sigurður kom til Vals árið 2013 en hann er uppalinn hjá Víkingi R. Hann á að baki, 72 deildarleiki með Val ásamt því að hafa leikið með öllum yngri landsliðum Íslands.
Hinn 24 ára gamli Sigurður, hafði verið orðaður við lið eins og KA á undanförnum vikum en nú er ljóst að hann verður áfram hjá Val en Ólafur Jóhannesson og Sigurbjörn Hreiðarsson, þjálfarar liðsins, skrifuðu einnig undir nýjan samning á dögunum.
Athugasemdir
