Arne Slot, nýr stjóri Liverpool, er að íhuga það að fá fyrrum lærisvein sinn frá Feyenoord til félagsins en þetta kemur fram í Telegraph í dag.
Umræddur leikmaður er Yankuba Minteh sem er á mála hjá Newcastle United.
Minteh, sem er 19 ára gamall og kemur frá Gambíu, eyddi síðustu leiktíð á láni hjá Feyenoord þar sem hann skoraði 11 mörk og gaf 6 stoðsendingar.
Newcastle er sagt opið fyrir því að selja hann frá félaginu í sumar og samkvæmt Telegraph er Slot áhugasamur um að fá hann til Liverpool.
Þessi ungi leikmaður getur spilað á báðum köntunum og sem sóknarsinnaður miðjumaður.
Minteh sló í gegn hjá OB í Danmörku áður en Newcastle keypti hann fyrir 7 milljónir evra á síðasta ári.
Athugasemdir
