Daniele De Rossi er búinn að gera þriggja ára samning við AS Roma eftir að hafa gert góða hluti sem bráðabirgðaþjálfari félagsins í vor.
De Rossi er goðsögn hjá Roma eftir 18 ára dvöl sína þar sem leikmaður, en hann tók við liðinu sem bráðabirgðaþjálfari eftir brottrekstur José Mourinho í janúar á þessu ári.
Roma gerði flotta hluti undir stjórn De Rossi, sem er nýr í þjálfaraheiminum eftir að hafa stýrt SPAL í fjóra mánuði í Serie B deildinni.
De Rossi tók við Roma í níunda sæti í Serie A og endaði liðið í sjötta sæti, auk þess sem hann fór með liðið alla leið í undanúrslitaleik Evrópudeildarinnar þar sem Bayer Leverkusen hafði betur eftir afar fjöruga viðureign.
Continua la simbiosi naturale con questa squadra, la sua squadra. La Roma ??????
— AS Roma (@OfficialASRoma) June 25, 2024
Daniele De Rossi firma il rinnovo di contratto fino al 2027 ??
???? https://t.co/5O1vXu4qiq#ASRoma pic.twitter.com/Kv4peF6MNG
Athugasemdir